اشاعت کے باوقار 30 سال

غیر ملکیوں کو بہتر روزگار دینے والے 10 ممالک

غیر ملکیوں کو بہتر روزگار دینے والے 10 ممالک

واشنگٹن: دنیا بھر میں غیر ملکیوں کو بہترین روزگار دینے و الے 10 ممالک میں یورپی ملک لکسمبرگ پہلے اور سعودی عرب چھٹے نمبر پر ہے۔میڈیا رپورٹس کے مطابق تحقیقاتی ادارے بزنس انسائیڈر نے 166 ممالک کے تارکین وطن سے کئے گئے سروے میں بتایا کہ ان ملکوں کے بیشتر شہری 10 ممالک میں روز گار کو ترجیح دیتے ہیں۔سروے رپورٹ کے مطابق 10 ممالک کی فہرست میں یورپی ملک لکسمبرگ پہلے، سوئٹزر لینڈ دوسرے، قطر تیسرے، کویت چوتھے، بحرین پانچویں نمبر پر ہے۔ رپورٹ میں بتایا گیا ہے کہ سعودی عرب اپنے اور باہر کے ممالک کے لوگوں کو بہتر روز گارد ینے والے ملکوں کی فہرست میں چھٹے نمبر پر ہے، نائیجریا ساتویں، یواے ای آٹھویں، ناروے نویں اور سنگاپور دسویں نمبر پر ہیں۔ سروے میں گفتگو کرتے ہوئے تارکین وطن نے کہا کہ ان 10 ممالک میں انہیں کام کرنے پر اپنے ملکوں کے مقابلے میں زیادہ آمدنی ہوتی ہے۔رپورٹ کے مطابق سعودی عرب میں مقیم لوگوں میں سے 70 فیصد نے کہا کہ انہیں یہاں کام کرنے کی بہترین اجرت ملتی ہے۔ سوئٹزرلینڈ میں مقیم تارکین میں سے 77 فیصد نے کہا کہ انہیں یہاں کام کرنے کی اجرت زیادہ ملتی ہے۔

loading...