اشاعت کے باوقار 30 سال

دبئی ایئرپورٹ دنیا کا مصروف ترین ایئرپورٹ

دبئی ایئرپورٹ دنیا کا مصروف ترین ایئرپورٹ

دبئی ایئرپورٹ دنیا کا مصروف ترین ایئرپورٹ
دبئی: متحدہ عرب امارات کی ریاست دبئی کے ہوائی اڈے کو گزشتہ برس دنیا بھر کے ایئر پورٹس کے مقابلے میں مصروف ترین ایئر پورٹ قرار دے دیا گیا۔دبئی ایئر پورٹس آپریٹر کی جانب سے جاری کردہ اعلامیے کے مطابق یو اے ای کے اس ایئر پورٹ پر مسافروں کی آمد میں 46 لاکھ مسافروں کا اضافہ ہوا جو سال 2016 کے مقابلے میں 5.5 فیصد ہے۔ اعلامیہ میں بتایا گیا کہ امریکا جانے والی پروازوں میں لیپ ٹاپ لے جانے کی عارضی پابندی کے باوجود مسافروں کی تعداد میں واضح طور پر اضافہ ہوا ہے۔ بین البراعظمی ہوائی راستے پر موجود یہ انتہائی اہم گزرگاہ خلیج کے ان چند ہوائی اڈوں میں سے ایک ہے جہاں مسافروں کی تعداد میں حیرت انگیز طور پر اضافہ ہوا۔ اعلامیہ میں بتایا گیا ہے کہ گزشتہ بر سب سے زیادہ بھارتی شہری دبئی ایئر پورٹ پر آئے جن کی تعداد ایک کروڑ 21 لاکھ ہے، جو کہ گزشتہ برس کے مقابلے میں 5.4 فی صد زیادہ ہے۔اس کے علاوہ دوسرے نمبر پر برطانوی شہری ہیں جنہوں نے دبئی کا سفر کیا جب کہ 64 لاکھ سعودی باشندوں نے بھی دبئی کا سفر کیا۔ روس اور چین کے مسافروں میں نمایاں حد تک اضافہ ہوا جن میں 2016 کے مقابلے میں بالتریب 28 فی صد اضافے کے ساتھ 13 لاکھ 40 ہزار اور 19.4 فی صد اضافے کے ساتھ 22 لاکھ مسافر شامل ہیں۔ خیال رہے کہ یہ اضافہ ایسے وقت میں دیکھنے میں آیا ہے جب یو اے ای نے روس اور چین کے شہریوں کے لیے آسانی پیدا کرتے ہوئے انہیں دبئی پنچنے پر ویزا دینے کی سہولت فراہم کی گئی۔ اعلامیہ کے مطابق 2017 کے دوران 2016 کے مقابلے میں پروازوں کی تعداد میں 10 ہزار تک کمی آئی تھی تاہم مسافروں کی تعداد میں پرواز کی گنجائش کے مطابق ہونے کی وجہ سے اضافہ دیکھنے میں آیا۔

loading...