اشاعت کے باوقار 30 سال

پاکستانی فلم ’’پرچی‘‘ کی سعودی دارالخلافہ ریاض میں نمائش

پاکستانی فلم ’’پرچی‘‘ کی سعودی دارالخلافہ ریاض میں نمائش

جدہ : سعودی عرب میں تیس سال بعد سنیما دوبارہ شروع ہونے کے اعلان کے ساتھ ہی جہاں ہالی ووڈ اور بالی ووڈ متحرک ہوئے وہیں پر پاکستان فلم انڈسٹری لالی ووڈ نے بھی قدم بڑھا دیا ہے .سفارت خانہ پاکستان اور نالج کور اکیڈمی کے تعاون سے سعودی عرب میں پہلی مرتبہ پاکستانی فلم " پرچی " کی مملکت کے دارالخلافہ ریاض میں نمائش کی گئی، جس کے پریمیر شو میں نوجوان شہزادہ عبدالعزیز کے علاوہ پرچی فلم کے پرڈیوسر عمران رضا کاظمی نے شرکت کی، اس کے علاوہ پاکستانی کیمونٹی کے سرکردہ افراد نے بھی بھرپور شرکت کی، اس موقعہ پر لوگوں نے فلم کو نہ صرف پسند کیا بلکہ فلم کی کاسٹ کی پرفارمنس کو بھی خوب سراہا جب کہ فلم کے میوزک کو بھی خوب پسند کیا گیا۔ اس موقعہ پر سعودی شہزادہ عبدالعزیز کا کہنا تھا کہ پاکستانی فلم بہتری کی جانب بڑھ رہی ہے اور ہم چاہیں گے کہ دیگر ممالک کی طرح پاکستانی فلمیں بھی سعودی عرب کے سنیما ہالوں میں نمائش کے لئے لگتی رہیں، جب کہ سفارت خانہ پاکستان کے افسران کا کہنا ہے کہ سعودی عرب میں 27 لاکھ پاکستانی مقیم ہیں اس لحاظ سے سعودی عرب پاکستانی فلم کے لئے ایک اچھی مارکیٹ ثابت ہو گا۔ فلم کے پریمیر شو کے علاوہ مزید دو روز پاکستانی کیمونٹی فلم دیکھ پائے گی۔

loading...