اشاعت کے باوقار 30 سال

خیبر پختونخوا میں کرکٹ اکیڈمی کا قیام

خیبر پختونخوا میں کرکٹ اکیڈمی کا قیام

پشاور ،لاہور: خیبر پختونخوا میں کرکٹ اکیڈمی کے قیام کے لیے پاکستان کرکٹ بورڈ اور خیبر پختونخواہ کے اسپورٹس ڈائریکٹوریٹ کے درمیان معاہدہ طے پا گیا ہے۔ پاکستان کرکٹ بورڈ کے چیئرمین نجم سیٹھی نے کھیل کی ترقی کے لیے اکیڈمی کے قیام کے لیے پی سی بی گورننگ بورڈ کے ارکان سے معاہدے کے متعلق منظوری لی۔ معاہدہ کے مطابق خیبر پختونخوا حکومت جدید سہولیات کی حامل کرکٹ اکیڈمی تعمیر کرئے گی تاکہ نوجوان کھلاڑیوں کی کرکٹ صلاحیتوں میں اضافہ کیا جا سکے اور پاکستان کرکٹ بورڈ اکیڈمی کے لیے کوچز، ٹرینر اور فزیوتھراپسٹ تعینات کرے گا۔ پی سی بی ہیڈ کوارٹر میں معاہدہ کے موقع پر پاکستان کرکٹ بورڈ کے چیف آپریٹنگ آفیسر سبحان احمد، ڈی جی اسپورٹس جنید خان، ڈائریکٹر اکیڈمیز مدثر نذر، ڈائریکٹر کرکٹ آپریشنز ہارون رشید، اسسٹنٹ ڈائریکٹر اسپورٹس خیبر پختونخوا نعمت للہ اور منیر عباس بھی موجود تھے۔

loading...