اشاعت کے باوقار 30 سال

آج کا دن تاریخ میں

اتر پردیش کے گاؤں کا بھارتی یوم آزادی منانے سے انکار

اتر پردیش کے گاؤں کا بھارتی یوم آزادی منانے سے انکار

نئی دہلی: بھارت میں 71 واں یوم آزادی آج منایا جا رہا ہے اور ملک بھر میں کافی جوش و خروش بھی ہو گا مگر اس کی سب سے بڑی ریاست اتر پردیش کے ایک گاؤں نے اس جشن میں شریک ہونے سے انکار کر دیا۔ اتر پردیش کے ضلع لکھیم پور کھیری میں واقع گاؤں میں اسی گھرانے آباد ہیں اور انہوں نے کسی بھی صورت بھارتی یوم آزادی کو منانے سے انکار کر دیا، کیونکہ انہیں لگتا ہے کہ اس گاؤں میں 70 سال کے دوران کوئی تبدیلی دیکھنے میں نہیں آئی۔ یہ گاؤں 1923 سے قائم ہیں مگر آج بھی یہ بجلی سے محروم ہے جبکہ سڑکیں ٹوٹی پھوٹی جبکہ لوگوں کو ٹوائلٹ تک دستیاب نہیں۔ چوہدری پور نامی اس گاؤں میں متعدد افراد رہائش پذیر ہیں مگر ٹوائلٹ صرف چار ہیں اور رفع حاجت کے لیے کھیتوں کا رخ کرنا پڑتا ہے۔ یہاں قریب واقع جنگلات رات کی تاریکی میں رہائشیوں کے لیے خطرہ بن جاتے ہیں کیونکہ جنگلی جانور اس جگہ گھس آتے ہیں۔ یہاں کے رہائشیوں نے بجلی لگوانے کے لیے متعلقہ حکام سے کئی بار رابطہ کیا مگر کچھ نہیں ہو سکا حالانکہ ارگرد کے 41 دیہات میں بجلی کی سہولت اب موجود ہے۔ یہاں کے رہائشیوں کے مطابق ' اس ان بیشتر بنیادی سہولیات سے بھی محروم ہیں، جن کے بارے میں تصور کیا جاتا ہے کہ وہ گاؤں میں ہوں گی، ہم جنگلی جانوروں کے حملے کے ڈر سے زندگی گزارتے ہیں، جبکہ یہاں کوئی آنا پسند نہیں کرتا جس کی وجہ سڑکوں کی ابتر حالت ہے، خواتین تاحال حکومت کی جان ٹوائلٹس کی تعمیرکا انتظار کر رہی ہیں'۔

loading...