اشاعت کے باوقار 30 سال

تیل کی قیمتوں میں کمی، سعودی معیشت کمزور

تیل کی قیمتوں میں کمی، سعودی معیشت کمزور

دبئی: آئی ایم ایف نے کہا ہے کہ تیل کی قیمتوں میں کمی کے ساتھ سعودی معیشت کے کمزور پڑنے سے مشرق وسطی اور شمالی افریقہ میں معاشی نمو کی رفتار سست پڑنے کا خدشہ ہے۔گزشتہ روز جاری کردہ ورلڈ اکنامک آؤٹ لک 2017 اپ ڈیٹ رپورٹ کے مطابق رواں سال سعودی معیشت 0.1 فیصد کی رفتار سے ترقی کرے گی جو اپریل کی پیشگوئی سے 0.3 فیصد کم ہے، یہ سعودی معیشت کی 2009 کے بعد سے بدترین کارکردگی ہوگی جب عالمی معاشی بحران کے باعث معیشت 2 فیصد سکڑ گئی تھی۔آئی ایم ایف نے امید ظاہر کی کہ آئندہ سال خطے میں معاشی ترقی کی رفتار بڑھ کر 3.3 فی صد پر پہنچ جائے گی، سعودی معیشت بھی 1.1 فیصد کی رفتار سے ترقی کرے گی تاہم یہ بھی اپریل کی پیش گوئی سے 0.2 فی صد کم ہے۔ 2016 میں 5 فی صد ترقی کی غیر متوقع کارکردگی کے بعد مشرقی وسطی و شمالی افریقہ کے ساتھ پاکستان اور افغانستان کی معیشتیں رواں سال 2.6 فیصد کی کم رفتار سے ترقی کریں گی، گزشتہ سال خطے کی اچھی اقتصادی کارکردگی کی بڑی وجہ زیادہ تیل پیداوار کی وجہ سے ایران کی 6.5 فیصد سے زیادہ کی ٹھوس معاشی ترقی تھی۔

loading...