اشاعت کے باوقار 30 سال

امریکا میں دنیا کی سب سے وزنی بچی کی پیدائش

امریکا میں دنیا کی سب سے وزنی بچی کی پیدائش

واشنگٹن: امریکا میں ایک خاتون نے ایک بچی کو جنم دیا ہے جس کا وزن چھ کلو گرام ہے۔ عرب ٹی وی کے مطابق بچی کی ولادت سے قبل اس کی ماں کریسی کوربیٹ نے کہا تھا کہ وہ غالباً ایک غیرمعمولی جسامت اور وزن کے بچے کو جنم دینے جا رہی ہے۔گذشتہ ہفتے دنیا میں آنے والی کارلیگ کو سرجری کے ذریعے ماں کے پیٹ سے نکالا گیا۔ بچی تندرست ہے اور اس کی حرکات وسکنات عام بچوں ہی کی طرح دکھائی دیتی ہیں۔ بھاری جسامت والی بچی کی ماں کریسی نے کہا کہ بچی کی پیدائش کے وقت ڈاکٹر حیران تھے وہ بہت زیادہ ہنس رہے تھے۔ آپریشن روم میں میں نے ڈاکٹروں کو بہت زیادہ پرجوش اور ہنستے ہوئے دیکھا۔ وہ بچی کے وزن پر حیران بھی تھے۔ واضح رہے کہ پیدائش کے وقت چھ کلو گرام وزنی بچی کو سب سے وزنی بچی قرار دیا گیا ہے۔

loading...