پیرس
(اردو ٹائمز) فرانسیسی عدالت نے برقعہ پوش مراقشی نثراد 32
سالہ مسلم خاتون فیضہ مبشر کو محض اس بنیاد پر فرانسیسی شہریت دینے سے انکار کر دیا
کہ وہ اپنے شوہر کی حد درجہ فرمانبردار ہے۔ عدالت کونسل آف سٹیٹ نے اپنی رولنگ
میں کہا ہے کہ فیضہ کی مذہبی رسومات فرانسیسی اقدار سے مطابق نہیں ہیں۔ عدالت نے یہ
بھی کہا ہے کہ یہ خاتون اپنے مرد رشتہ داروں کی بالکل مطبع ہیں، وہ ان کی اطاعت کو
اپنا معمول سمجھتی ہے ان رشتہ داروں کو چیلنج کرنے کا کوئی خیال بھی ان کے ذہن میں
نہیں آیا۔ فیضہ مبشر سن 2000 سے فرانس
میں رہ رہی ہیں انہوں نے ایک فرانسیسی شہری سے شادی کی ہے اور فرانسیسی زبان میں
روانی سے بات چیت کی اہلیت رکھتی ہیں وہ اس وقت تین بچوں کی ماں ہے۔ انہوں نے
فرانسیسی شہویت کے لیے درخواست عدالت میں جمع کروائی تھی لیکن 2005 میں اس بنیاد
پر ان کی درخواست مسترد کر دی گئی کہ وہ فرانسنسی اقدر سے پوری طرح ہم آہنگ نہیں ہے۔
فیضہ مبشر نے اس فیصلے کے خلاف کونسل آف سٹیٹ میں اپیل دائر کی تھی جبکہ کونسل
آف سٹیٹ نے بھی ان کی درخواست کو مسترد کر دیا ہے۔
