یورپ کے اتحادی ممالک افغانستان میں مزیدفوجی بھیجیں

اردو ٹائمز(نیوز) امریکی وزیردفاع رابرٹ گیٹس نے مشرقی یورپی اتحادی ملکوں سے کہا ہے کہ وہ افغانستان میں مزید فوجی دستے بھجوائیں یہ بات انہوںنے دارالحکومت پڈایسٹ میں ھنگری کے وزیردفاع ایمرے سیزکیرس کے ساتھ ملاقات کے دوران کہی۔ وائس آف امریکہ کے مطابق امریکی وزیردفاع نے بڈاپسٹ میں جنوب مشرقی یورپ کے وزرائے دفاع ا جلاس سے خطاب کرتے ہوئے کہاکہ دنیا بھر میں امن و استحکام کویقینی بنانے کے لئے مذکورہ یورپی ملکوں کا ایک اہم کردار ہے۔ انہوںنے کہاکہ عراق میں صورتحال بہترہوئی ہے اس لئے اب ان ممالک کو افغانستان میں مزید وسائل بھیجنے چاہئیں اس سے پہلے امریکی وزیردفاع نے اپنے یوکرائنی ہم منصب یوری یخا نوروف سے ملاقات کی اور نیٹو میں شمولیت کے لئے یوکرائن کو امریکی حمایت کا یقین دلایا۔