اردو ٹائمز(نیوز) جنوبی کوریا کی عمارت میں اچانک آگ بھڑکنے سے 7 افراد ہلاک اور 4 شدید زخمی ہو گئے۔ غیرملکی خبررساں ادارے کے مطابق پولیس نے بتایا ہے کہ یانگبن سٹی میں واقع 10 منزلہ رہائشی عمارت میں اچانک آگ کے شعلے بلند ہوئے جس کے بعد فائر بریگیڈ کا عملہ اور پولیس فوری طور پر موقع پر پہنچ گئی۔ فائر فائٹروں کے مطابق آگ بیک وقت عمارت کے دو کمروں میں لگی۔ عمارت میں موجود دیگر افراد دھوئیں سے متاثر ہوئے۔ زخمیوں کو فوری ہسپتال منتقل کر دیا گیا ہے جس میں سے 3 کی حالت تشویشناک ہے۔ ذرائع کے مطابق عمارت میں 40 سے زائد لوگ موجود تھے اور یہ واقعہ مقامی وقت کے مطابق رات ڈیڑھ بجے پیش آیا۔ ابتدائی طور پر آگ لگنے کی وجوہات معلوم نہیں ہو سکیں۔ تاہم تحقیقات جاری ہیں
