پٹرول 10 روپے 97 پیسے ، ڈیزل 9 روپے 95 پیسے مہنگا ہو گیا

اردوٹائمز(نیوز ) پٹرولیم مصنوعات میں ممکنہ اضافہ‘ وزیراعظم نے اوگرا کی طرف سے بھیجی گئی سمری منظور کر لی گئی۔ تفصیلات کے مطابق پٹرول کی قیمت میں 10 روپے 97 پیسے جبکہ ڈیزل کی قیمت 9 روپے 95 پیسے اضافہ کر دیا گیا ہے۔ مٹی کے تیل میں 8 روپے 20 پیسے فی لیٹر اضافہ کر دیا گیا ہے۔ واضح رہے کہ اس سے پہلے بھی اوگرا نے پٹرولیم مصنوعات کی قیمتوں میں اضافے کی سمری وزیراعظم کو بھجوا دی تھی جسے وزیراعظم نے منظور کرنے سے انکار کر دیا تھا۔ اس مرتبہ بھیجی جانے والی سمری کو وزیراعظم نے منظور کر لیا ہے۔ واضح رہے کہ سمری کو پہلے منظور نہ کرنے کی وجہ خالصتاً سیاسی تھی۔