اردو ٹائمز(نیوز) وفاقی وزیر اطلاعات شیری رحمان نے کہا ہے کہ حکومت کا میڈیا کے خلاف کوئی ایجنڈا نہیں میڈیا نے آزادی تحفے کے طور پر حاصل نہیں کی بلکہ اپنی جدوجہد سے حاصل کی جس میں پیپلز پارٹی نے اہم کردار ادا کیا۔ سینئر کالم نویسوں اور صحافیوں کو ظہرانہ کے موقع پر خطاب کرتے ہوئے انہوں نے کہا کہ میڈیا کی اہم شخصیات کو بھجوائی گئی دھمکی آمیز ای میلز دیکھی ہیں اور ایسے اقدامات کا مقصد حکومت اور میڈیا کے درمیان غلط فہمیاں پیدا کرنا ہے۔ پیپلز پارٹی میڈیا کے ساتھ رہی ہے اور ہمارا میڈیا انڈسٹری میں کام کرنے والوں سے لگا¶ ہے حکومت کو صحافیوں سے کوئی شکایت نہیں ہم صحافیوں کے ساتھ مل کر نیا دور شروع کررہے ہیں۔ سرکاری ٹی وی کو بھی براہ راست نشریات کی اجازت دے دی جائے گی میڈیا حکومت کو ضروریات سے آگاہ نہ کرے تو ہم کیا کرسکتے ہیں۔
