اردو ٹائمز(نیوز) لندن بیس انٹرنیشنل انسٹیٹیوٹ فار سٹریٹجک سٹڈیز (آئی آئی ایس ایس) نے کہا ہے کہ اسرائیل کے پاس خاصا بڑا ایٹمی اثاثہ موجود ہے۔ ایک عرب خبررساں ادارے کے مطابق یہ انکشاف آئی آئی ایس ایس کی طرف سے جاری ایک رپورٹ میں کیا گیا۔ رپورٹ میں کہا گیا ہے کہ اگرچہ اسرائیل نے ایٹمی ہتھیاروں کی موجودگی کا خود اعتراف نہیں کیا ہے تاہم اس کے پاس جدید اور بڑا ایٹمی اثاثہ موجود ہے اور اسرائیل کی ایٹمی صلاحیت اور پالیسیوں کو دنیا بھر میں حقیقت سمجھا جاتا ہے۔ رپورٹ کے مطابق اسرائیل کے پاس 2 سو سے زائد ایٹمی وار ہیڈز موجود ہیں۔
