اردو ٹائمز(نیوز) اسلامی تحریک مزاحمت (حماس) نے لبنانی عوام سے جنگ بندی کی اپیل کی ہے۔ حماس کے ترجمان ڈاکٹر سامی ابوزھری نے کہا ہے کہ لبنان کی سلامتی، مزاحمت کی حفاظت اور فتنہ کو کچلنے کے لیے لبنانیوں کو مذاکرات کی میز پر مسائل حل کرنے چاہئیں۔مڈل ایسٹ اسٹڈی سنٹر کی رپورٹ کے مطابق ڈاکٹر سامی ابوزھری نے کہا کہ ہم بین الاقوامی اور امریکی راہنماﺅں کے بیانات کا جائزہ لے رہے ہیں۔ امریکی انتظامیہ کی طرف سے دیے جانے والے بیانات لبنان کو خون میں نہلانے کی سازش ہیں۔ واشنگٹن کا مقصد اسرائیلی مفادات کی حفاظت ہے۔ انہوں نے مزید کہا کہ ہم لبنانی عوام سے اپیل کرتے ہیں کہ وہ لبنان میں کسی بھی بیرونی بالخصوص امریکی مداخلت کا راستہ روکیں اور اپنے مسائل خود مذاکرات کے ذریعے حل کریں۔
