آئین کی بالادستی عدلیہ و ججوں کی بحالی اور میڈیا کی آزادی کے حوالے سے قوم سے کئے گئے وعدے پورے کئے جائیں گے : یوسف رضا گیلانی

اردو ٹائمز(نیوز) وزیر اعظم سید یوسف رضا گیلانی نے کہا کہ آئین کی بالادستی عدلیہ اور ججوں کی بحالی اور میڈیا کی آزادی کے حوالے سے قوم سے کئے گئے وعدے پورے کئے جائیں گے قبائلی علاقوں میں قیام امن کے لئے اقتصادی ترقی ،سیاسی مذاکرات اور انتظامی اقدامات پر مشتمل حکمت عملی پر عمل کیا جارہا ہے ۔ نیشنل سکول آف پبلک پالیسی میں زیر تربیت افسروں سے خطاب کرتے ہوئے انہوں نے کہا کہ سیاسی جماعتوں نے ماضی کی غلطیاں اور تلخیاں بھلا کر ایک دوسرے کے مینڈیٹ کا احترام کرنا سیکھا ہے ۔ پیپلز پارٹی اور حکومتی اتحاد میں شامل تمام سیاسی جماعتیں مفاہمت پر یقین رکھتی ہیں انہوں نے کہا کہ حکومت صوبائی خود مختاری پر یقین رکھتی ہے ایک سال کے دوران کنکرٹ لسٹ ختم کر کے صوبوں کو زیادہ اختیارات دیئے جائیں گے انہوں نے کہا کہ پسماندہ اور کم ترقی یافتہ علاقوں کی ترقی حکومت کی اولین ترجیح ہے قبائلی علاقوں میں امن و امان کی صورت حال بہتر بنانے کے لئے اقتصادی ترقی ،سیاسی مذاکرات اور انتظامی اقدامات پر مشتمل حکمت عملی پر عمل کیا جارہا ہے۔انہوں نے کہاکہ انتہاپسندی اوردہشت گردی کے باعث امن وامان کی صورتحال خراب ہے۔ سابق وزیراعظم بینظیربھٹو شہید بھی دہشت گردی کاشکار ہوئیں انہوںنے کہاکہ گزشتہ حکومت کسانوں کوگندم کی امدادی قیمت دینے میں ناکام رہی جس کی وجہ سے اس کی فصل کم ہوئی ہے این ایف سی ایوارڈ سے متعلق ایک سوال پر انہوںنے کہاکہ اس ضمن میں کمیشن کا اعلان جلد کرلیاجائے گا۔ وزیراعظم نے کہاکہ ملک میں تھانہ اور پٹواری کلچرختم کرکے انصاف پرمبنی نظام لایاجائے گا عام شہریوں کو بنیادی سہولیات فراہم کریں گے۔علاوہ ازیں وزیرتعلیم یوسف رضاگیلانی سے وفاقی وزیر برائے سماجی بہبود اورخصوصی تعلیم نواب زادہ خواجہ محمدخان ہوتی اور وفاقی وزیر ثقافت خواجہ سعدرفیق نے ملاقاتیں کی ہیں وزیراعظم یوسف رضاگیلانی نے ان وزراءسے گفتگو میں کہاکہ نئی جمہوری حکومت عوام کی زندگی میں تبدیلی لانے کے وعدہ کو پورا کرے گی اوراس سلسلے میں ہرممکن کوشش کرے گی انہوںنے کہاکہ حکومت عوام کی مشکلات سے پوری طرح آگاہ ہے حکومت غریب عوام کو ریلیف دینے کے لئے اقدامات کررہی ہے انہوں نے کہاکہ حکومت کو غریب اورضرورت مند افراد کو ریلیف دینے کی ہدایات جاری کی جاچکی ہیں۔وزیراعظم یوسف رضاگیلانی نے کہاکہ ہیپاٹائٹس سی اورکیسز کے مریضوں کوبیت المال سے ادائیگی شروع کردی گئی ہے جبکہ ضرورت مند طلبہ کو سکالرشپ بھی دیاجائے انہوںنے کہاکہ تعلیم میں کسی معاشرے کی ترقی کی پہچان ہے اس لئے حکومت ہرسطح پر تعلیم کی سہولیات کوعام کرنے کے لئے اقدامات کررہی ہے۔ انہوںنے کہاکہ پاکستان ثقافتی ورثہ سے مالا مال ہے اوراس شعبہ کی ترقی کے لئے بین الاقوامی سیاحوں کی پاکستان آمد کے لئے مزید سہولیات دی جائیں ثقافتی سرگرمیاں بڑھنے سے عام آدمی کے حالات زندگی پر صحت مندانہ اثرات مرتب ہونگے انہوں نے کہاکہ حکومت ثقافتی سرگرمیوں کے فروغ کے لئے جامعہ پالیسی مرتب کرے گی اوراس میں نوجوان طبقہ کو بھی شامل کیاجائے اور انہوںنے کہاکہ ثقافتی پالیسی اسلامی اقدار کے مطابق ہونی چاہئیے اس موقع پر دونوں وزراءنے اپنی وزارتوں سے متعلق کارکردگی کے بارے میں وزیراعظم یوسف رضاگیلانی کوآگاہ کیا۔