بیجنگ
(اردو ٹائمز) بیجنگ میں سخت سیکیورٹی انتظامات ہونے کی وجہ سے بیجنگ اولمپکس کے بے
لطف ہونے کا اندیشہ پیدا ہو گیا۔ بیجنگ اولمپکس کے حوالے سے چینی حکومت کی جانب سے
اٹھائے جانے والے سخت سیکیورٹی اقدامات کی وجہ سے گیمز کی خوبصورت اور لطف متاثر
ہونے کا خدشہ پیدا ہو گیا ہے۔ اس وقت بیجنگ میں موجود غیر ملکی شائقین اور مقامی
افراد سب کے زبان پر ایک ہی سوال جاری ہے کہ کیا بیجنگ اولمپکس ہمیشہ کی طرح
کامیاب ہو سکے گا۔ حکومت نے دہشتگردی حملوں کے بارے میں وارننگ جاری کر رکھی ہے ،
جگہ جگہ کاروں کی چیکنگ کی جا رہی ہے اگلے ماہ منعقد ہونے والے گیمز کے تناظر میں
نائٹ لائف پر بھی پابندی لگا رکھی ہے اس کے ساتھ ساتھ ویزے کی شرائط میں سختی اور
ہوٹلوں کے بڑھتے ہوئے کرائے ایونٹ میں شائقین کی دلچسپی کو کم کر رہے ہیں۔ بعض
لوگوں کو خدشہ پے کہ اولمپکس میں چین سڈنی اور ایتھنز جیسا ماحول پیدا کرنے میں
ناکام ہو جائے گا۔ یاد رہے کہ بیجنگ اولمپکس کےلیے اولمپکس وینیوز کے قریب واقع
مشہور ریسٹورنٹس اور بارز کو سیکیورٹی وجوہات کی وجہ سے بند کر دیا گیا ہے۔
