آسٹریلوی ٹیم اسکاٹ لینڈاور آئرلینڈ کے خلاف ون ڈے میچز کھیلے گی

اردو ٹائمز(نیوز) عالمی چیمپئن آسٹریلیا کی کرکٹ ٹیم اسکاٹ لینڈ اور آئرلینڈ کے خلاف بالترتیب 2009 اور 2010 میں ایک روزہ میچز کھیلے گی۔ آسٹریلیا جون 2010 میں انگلینڈ کے خلاف سیریز سے قبل آئرلینڈ سے انٹرنیشنل میچ کھیلے گا۔ ان میچز کے کھیلے جانے پر اتفاق آئرلینڈ اور اسکاٹ لینڈ کرکٹ کے سربراہان کی انگلینڈ کرکٹ بورڈ اور کرکٹ آسٹریلیا سے رابطے کے بعد ہوا ہے۔ آئرلینڈ میں میچ کے لئے تاریخ اور وینیو کو حتمی شکل نہیں دی گئی ہے ۔ یہ میچز باقاعدہ ایک روزہ انٹرنیشنل پہلے میچز ہوں گے جو آسٹریلیا آئی سی سی ٹورنامنٹس سے باہر ایسوسی ایٹ ممالک کے خلاف کھیلے گا۔