پابندی کے خاتمے تک شعیب آئی پی ایل نہیں کھیل سکتے ،للت مودی

ارد و ٹائمز(نیوز) انڈین پریمئیر لیگ کے چیئرمین للت مودی نے کہا ہے کہ شعیب اختر پی سی بی کی جانب سے پانچ سالہ پابندی کے خاتمے تک آئی پی ایل میں شرکت نہیں کر سکتے۔جے پور میں میڈیا سے بات چیت کر تے ہوئے بی سی سی آئی کے نائب صد ر للت مودی نے کہا ہے کہ وہ شعیب اختر کے حوالے سے اپنے موقف پر قائم ہیں۔ان کا کہنا تھا کہ آئی پی ایل کے قانون کے تحت کوئی بھی کھلاڑی جو اپنے ملک کی ٹیم میں کھیلنے کا اہل نہیں ہو گا وہ آئی پی ایل میں شرکت نہیں کر سکتا۔انہوں نے کہا کہ اگر پاکستان کرکٹ بورڈ شعیب پر سے پابندی ختم کر دیتا ہے تو انہیں اسپیڈ اسٹار کو آئی پی ایل میں کھلانے سے کوئی اعتراض نہیں۔