ٹیکساس ، تیل صاف کر نے کے کارخانے میں آتشزدگی

ٹیکساس (این این آئی)امریکی ریاست ٹیکساس کے مغربی علاقے میں تیل صاف کر نے کے ایک کار خانے میںدھماکے کے بعد آگ بھڑک اٹھی۔ جس کے نتیجے میں متعدد مزدور زخمی ہو گئے ہیں۔ غیر ملکی خبر رساں ادارے کے مطابق مغربی ٹیکساس کی ڈیلک ریفائیننگ لمیٹڈ میں اچانک دھماکے کے بعد آگ بھڑک اٹھی تاہم دھماکے اور آگ لگنے کی وجوہات کے بارے میں معلوم نہیں ہوسکا ہے۔کار خانے کے ترجمان کے مطابق آگ بجھا نے والے عملے نے تیس منٹ کی جدو جہد کے بعد آگ پر قابو پالیا۔