اشاعت کے باوقار 30 سال

آج کا دن تاریخ میں

ورلڈ ٹریڈ سنٹر میں بم دھماکہ

برٹش کولمبیا کی 19 سالہ موجد فوربس کی فہرست میں

برٹش کولمبیا کی 19 سالہ موجد فوربس کی فہرست میں

برٹش کولمبیا کی 19 سالہ موجد کئی دوسرے کینیڈین نوجوانوں میں سے ایک ہے جو فوربس کے 30 سال سے کم عمر کے 30 نوجوانوں کی فہرست میں اپنی جگہ بنانے میں کامیاب ہو گئی ہیں۔ این ماکو سنسکی جس کا بنیادی طور پر تعلق وکٹوریہ سے ہے یونیورسٹی آف کولمبیا میں سال دوم میں پڑھ رہی ہے۔ اس نے ایک ایسی فلیش لائیٹ بنائی ہے جو انسانی جسم کی حرارت سے چلتی ہے۔ اسی طرح اس نے ایک ایسا مگ بنایا ہے جو اس کپ میں ڈالے گئے مشروب کی حرارت کی مدد سے فون کو چارج کر سکتا ہے۔ ماکوسنسکی کا نام فوربس کی انرجی سیکٹر کی فہرست میں رکھا گیا ہے۔ ماکو سنسکی کو 7 سال کی عمر سے ہی گلو سے ناکارہ چیزوں کو جوڑ کر چیزیں بنانے کا شوق تھا۔ ماکوسنسکی نے بتایا کہ اس کا بنایا ہوا ای مگ ابھی تجرباتی مراحل میں ہے ، مگر مجھے یقین ہے کہ اس سال کے آخر تک میں ماہر پیشہ ور الیکٹرک انجینیئرز کی مدد سے اسے حتمی شکل دینے میں کامیاب ہو سکوں گی۔ مانو سنسکی کے متعلق جو بات لوگوں کو حیران کرتی ہے وہ یہ ہے کہ یونیورسٹی میں وہ انگلش لٹریچر کی طالب علم ہے۔