دبئی میں ایرانی بینکوں کی کڑی نگرانی کرنا ہو گی‘ امریکہ
امریکہ نے کہا ہے کہ مشرق وسطیٰ کے معاشی مرکز دبئی میں اقوام متحدہ کی پابندیوں کے باوجود ایرانی بینک کام کر رہے ہیں اور مقامی حکام کو ایرانی بینکوں پر کڑی نظر رکھنا ہو گی۔
ابوظہبی(این این آئی) امریکہ نے کہا ہے کہ مشرق
وسطیٰ کے معاشی مرکز دبئی میں اقوام متحدہ کی پابندیوں کے باوجود ایرانی بینک کام
کر رہے ہیں اور مقامی حکام کو ایرانی بینکوں پر کڑی نظر رکھنا ہو گی۔ امریکی نائب
وزیر برائے دہشت گردی اور معاشی انٹیلی جنس سٹیورٹ لیوی نے کہا ہے کہ متحدہ امارات
اور ایران کے درمیان گہرے کمرشل و معاشی تعلقات ہیں تاہم عرب امارات کو ایرانی بینکوں
کی سخت نگرانی کرنا ہو گی۔ انہوں نے کہا کہ ایرانی بینکوں کے سابقہ ریکارڈ کو دیکھتے
ہوئے ان کی نگرانی کرنا انتہائی ضروری ہے۔ انہوں نے کہا کہ ایران کے خلاف امریکی
پالیسیوں کا تسلسل بارک اوبامہ کے صدارتی دور میں بھی جاری رہے گی۔ لیوی نے روس
اور قطر کی جانب گیس سیکٹر میں ایران کے ساتھ تعاون کو تنقید کا نشانہ بناتے ہوئے
کہا ہے کہ ہم سمجھتے ہیں کہ ایران کے ساتھ کاروبار کرنے کا یہ بہترین وقت نہیں ہے۔
