”ہنسنا ہے تو ورجینیا چلئے“ رچمنڈ میں کلب آپ کا منتظر

اردو ٹائمز(نیوز) ریاست ورجینیا کے شہر رچمنڈ میں ایک ایسا کلب موجود ہے جہاں داخل ہونے والا شخص اپنی ہنسی پر قابو نہیں رکھ سکتا اور قہقہے لگا کر ہنسنا شروع کر دیتا ہے کیونکہ اس کلب میں ممبرشپ کی شرط ہنسنا اور قہقہے لگانا ہے۔ کلب میں ہنسی کو ذہنی دباﺅ دور کرنے کیلئے ایک تھیراپی کے طور پر استعمال کیا جاتا ہے۔ اس کلب کے ممبر دل کھول کر ہنستے ہیں اور اس ہنسی کے ذریعے ذہنی تناﺅ کم کرنے کی کوشش کرتے ہیں۔ شاید وہ اس مقولہ پر کام کر رہے ہیں کہ ہنسی علاج غم ہے۔