صحت و تندرستی (اردو ٹائمز) اگر
آپ نے رات کو دیر سے مرغن غذا کھائی ہے اور سینے کی جلن نے نیند کی دیوی کو آپ
سے دور کر دیا ہے تو کوئی دوا نہ لیں بلکہ دانتوں تلے چیونگ گم دبائیں اور چہل
قدمی شروع کر دیں۔ آپ کی شکایت تھوڑی دیر میں رفع ہو جائے گی یہ بات ایک طبی
تحقیق سے معلوم ہوئی ہے جس میں کہا گیاہے کہ رات کے کھانے کے بعد شکر سے پاک چیونگ
گم چبانے اور پیدل چلنے سے حلق میں موجود تیزابیت بڑی حد تک ختم ہو جاتی ہے۔
پنسلوانی ایونیورسٹی کے پروفیسر ڈاکٹر ڈیوڈستی میٹز
کا کہنا ہے کہ چیونگ گم چبانے ےس لعاب دہن بڑی مقدار میں بننا شروع ہوتا ہے اور
چونکہ یہ لعاب القلی مادہ ہوتا ہے اس لیے اس سے تیزاب کی تیزی ختم ہو جاتی ہے۔ جب
ہم تھوک نگلتے ہیں تو ا س سے نہ صرف ہماری غذائی نالی کی صفائی ہو جاتی ہے بلکہ اس
میںموجود تیزابی اثرات بھی زائل ہو جاتے ہیں۔ انہوں نے یہ بھی کہا ہے کہ چیونگ گم
چبا کر تیزابیت کی وقتی معمولی شکایت تو رفع کی جا سکتی ہے لیکن جن لوگوں کو اکثر
و بیشتر اس قسم کی تکلیف ہوتی ہے انہیں لازماََ ڈاکٹروں کے مشورے اور ان کی دواؤں
کے علاج کی ضرورت ہو گی۔
