فلمسٹار میرا کو بھارت کے نامور فلمساز و ہدایتکار مہیش بھٹ نے ملنے سے انکار کر دیا ۔
لاہور(این این آئی )فلمسٹار میرا کو بھارت کے
نامور فلمساز و ہدایتکار مہیش بھٹ نے ملنے سے انکار کر دیا ۔ تفصیل کے مطابق میرا
جو ان دنوں پاکستان سے زیادہ بھارت میں رہائش پذیر رہتی ہیں اور وہاں کی صف اول کی
اداکاراﺅں میں شامل ہونا چاہتی ہیں انہوں نے اپنے محسن مہیش بھٹ کے گھر ان سے ملنے
کی کوشش کی مگر انہوں نے اس سلسلہ میں انکار کر دیا ۔ یہ رپورٹ بھارت کے الیکٹرانک
میڈیا نے جلی حروف کے ساتھ ٹیلی کاسٹ کی ۔ جسے پاکستان میں لاکھوں شائقین نے دیکھ
کر گہرے افسوس کا اظہار کیا ہے ۔ اس سلسلہ میں پاکستانی فنکاروں کا کہنا ہے کہ
ہمارے الیکٹرانک میڈیا کو بھی چاہیے کہ وہ بھارت کے تیسرے درجے کے فنکاروں کو
لاہور آنے پر بے پناہ پبلسٹی سے نوازتے ہیں جبکہ میرا جیسی صف اول کی اداکارہ کو
بھارت کے الیکٹڑانک میڈیا نے منفی انداز سے اجاگر کیا ہے جو ایک افسوسناک بات ہے۔
