سیف اور کرینہ کی کامیاب کوششیں، کرشمہ اپنے گھر میں

ممبئی(اردو ٹائمز) سیف اور کرینہ نے کرشمہ کو شوہر سے ملا دیا۔ کرشمہ کپور اپنے خاوند سنجے کے پاس واپس آگئی ہیں۔ کرینہ کپور اور سیف علی خان ہمیشہ اکٹھے دیکھے جاتے ہیں اور انہوں نے کرشمہ اور ان کے خاوند کو دوبارہ ملانے کا جو فیصلہ کچھ عرصہ پہلے کیا تھا وہ اس میں کامیاب ہو گئے ہیں ۔ کرینہ نے بتایا کہ میری بہن دہلی میں اپنے خاوند کے ساتھ ہے۔ واضح رہے کہ کرشمہ اور ان کے شوہر سنجے نے 2003 میں شادی کی تھی اور 2 سال قبل لڑائی جھگڑوں کی وجہ سے کرشمہ اپنی بیٹی سمیرا کے ساتھ ممبئی واپس آگئی تھیں۔ کرشمہ کے دوستوں کاکہناہے کہ اب دونوں اپنی شادی کامیاب بنانا چاہتے ہیں۔ اسی لیے انہوں نے ساتھ رہنے کی رضا مندی ظاہر کی ہے تاہم اپنی بہن کا گھر بسانے میں کرینہ اور سیف نے اہم کردار ادا کیا ہے۔ انہوں نے سنجے سے رابطہ رکھا اور جب بھی سنجے اپنی بیٹی سے ملنا چاہا کرینہ نے بیٹی سے ملوانے کے لیے کرشمہ کو راضی کیا۔ س کام میں سیف بھی کرینہ کے ہمراہ رہے۔ ذرائع کے مطابق اس ناراضگی کا اختتام کرشمہ نے اپنی بیٹی سمیرا کے لیے کیا ہے۔ ذرائع کا کہناہے کہ کرشمہ نے فلمون میں کام کرنے کا ارادہ ترک کر دیا ہے اور دہلی اپنے شوہر کے پاس چلی گئی ہیں اور کرشمہ نے یہ سب کچھ اپنی بیٹی سمیرا کے لیے کیا کیونکہ ان کی بیٹی ان کی پہلی ترجیح ہے۔