بالی
وڈ (اردو ٹائمز) بالی وڈ کی سپر رومینٹک جوڑی سیف اور کرینہ کپور اب اپنے جلوے
شارجہ میں دکھائیں گے۔ سیف اور کرینہ کپور بلاشبہ بالی وڈ کی سب سے ہٹ جوڑی ہے اور
ان کی مقبولیت سے کسی کو انکار نہیں تاہم مقبولیت کی بلندیوں کو چھونے والی یہ آف
سکرین جوڑی فلم "ٹشن" میں جلوہ گر ہوئے تو مداحوں نے ان دونوں کو بری
طرح مسترد کر دیا جبکہ انفرادی طور پر دونوں کی فلمیں کافی اچھا بزنس دے رہی ہیں
مگر دونوں ابھی تک مایوس نہیں ہوئے۔ کرینہ اس وقت بالی وڈ کی سب سے مہنگی اور مصروف ترین اداکارہ ہیں اپنی بہت ساری ہٹ فلمیں دینے کے بعد وہ نمبر ون ہیروئن میں شمار ہوتی ہیں۔ حال ہی میں کرن جوہر نے دونوں کو ایک بار پھر
سے ایک ساتھ اپنی نئی فلم میں کاسٹ کیا ہے تو دونوں نے ایک مختلف شوز میں پرفارم
کر کے اپنا جادو جگانے کا ارادہ ظاہر کیا ہے اور اس مقصد کے لیے دونوں شارجہ میں
ہونے والے ایک شو میں شرکت کرنے کے لیے راضی ہو گئے ہیں۔ شارجہ سٹیڈیم میں ہونے
والے اس شو میں اداکارہ منیشا لمبھا بھی اپنے جلوے دکھا کر لوگوں کو بھرپور
انٹرٹیمنینٹ دیں گی۔ واضح رہے کہ دبئی میں سیف علی خان اور کرینہ کپور بالی وڈ میں
سب سے زیادہ پسند کیے جانے والے اداکار اور سب سے پسندیدہ جوڑی ہے۔
