ممبئی(اردو
ٹائمز) رومانی کہانیوں تو ہر دور میں پسند کی جاتی ہیں لیکن ایک وقت ایسا بھی تھا
جب عشقیہ کہانیوں پر مبنی فلموں کو خوب داد ملتی تھی۔ رشی کپور کے بیٹے رنبیر کپور
کو انیل کپور کی بیٹی سونم کپور کے ساتھ فلم "سانوریا" سے متعارف کروایا
گیا، لیکن حیرت انگیز طور پرفلم بری طرح ناکام ہوگئی۔ رومانی فلموں کے کم از کم
گانے تو ہٹ ہو جاتے ہیں لیکن سانوریا کے ساتھ ایسا کچھ بھی نہیں ہوا۔ ابتدائی فلم
ناکام ہو جائے تو نئے اداکاروں پر کافی اثر پڑتا ہے، تعلقات کی بنیاد پر فلمیں تو
مل جاتی ہیں لیکن اپنی پہچان بنانا مشکل ہوجاتا ہے۔ کچھ اسی طرح کی صورتحال سے
رنبیر کپور بھی گزر رہے ہیں۔ طرفہ تماشا یہ ہے کہ کیرئیر کے ابتدائی دور میں دپیکا
فلم "ام شانتی ام"کی ہیروئن سے عشق کر لئے اور اب دونوں شادی کے بندھن
میں بندھنے کی تیاریوں میں مصروف ہو گئے ہیں۔ ایسا لگتا ہے کہ دونوں نے شادی کرنے
کی غرض سے ہی فلمی دنیا میں قدم رکھا تھا۔ اپنی پہلی فلم کی ہیروئن سونم سے پیار
کی افواہیں گشت کرتی رہی ں پھر ا سکی نفی کی گئی۔ دوسری فلم "بچنا اے
حسینو" کی ہیروئن دپیکا سے زوردار رومانس ہو رہا ہے۔ دپیکا اپنی خوبصورتی کی
بنیاد پر بالی وڈ کا سفر دور تک طے کر سکتی ہیں لیکن شادی کا منصوبہ بنا کر وہ
اپنے مستقبل کو داؤ پر لگا رہی ہیں۔ فلم "بچنا اے حسینو" کے ذریعے رنبیر
کپور اپنے پرستاروں بالخصوص حسیناؤں کو خبردار کرنا چاہتے ہیں "بچنا اے
حسینوں! لو میں آگیا"۔
