ڈینور(
اردوٹائمز) بالی وڈ کی خوبصورت مسکان دیوی مادھوری پورے 15 سال کے بعد امیتابھ بچن
کے عالمی دورے ناقابل فراموش مین امریکہ اور کینیڈا میں ہونے والے شوز میں ایک نئے
جوش و خروش اور ولولے سے ایشوریہ بچن کے ساتھ اسٹیج پر پرفارمنس کریں گی۔ مادھوری
نے اسی قسم کے دورے 1994 میں بالی وڈ میں نئے آئے ہوئے سیف علی خان اور سنجے کپور
کے ساتھ شوزکے لیے کیے تھے۔ اس سلسلے میں مادھوری کا کہنا ہے کہ وہ ماضی سے اپنا
رشتہ برقرار رکھنا چاہتی ہیں اور یہی وجہ ہے کہ وہ ان شوز میں پرفارمنس کےلیے تیار
ہوئی ہیں ۔ ان کا کہنا ہے کہ امیتابھ بچن جیسے سینئر اداکار کے ساتھ کام کرکے
انہیں بے حد خوشی محسوس ہو رہی ہے جبکہ ایشوریہ رائے بچن جیسی اداکاریہ بھی ان شوز
میں ان کے ساتھ ہوں گی۔ مادھوری کے شوہر ڈاکٹر سری رام کواس وقت سخت حیرت ہوئی جب
ان کی بیوی نے ان شوز میں پرفارمنس کےلیے ہاں کہا ۔وہ اس بات سے حیران تھے کہ ان کی بیوی اپنی اتنی مصروفیت میں سے سخت
ریہرسل کے لیے وقت کسیے نکال سکیں گی۔ اس دورے
کا بندوبست کرنے والے سائی لک داور کے دو ڈانسر سورا اور نظام جب کینیڈا سے ڈیونور
امریکہ مادھوری کے گھر پہنچے اور دورے کے سلسلے مین ڈانس آئٹم پر تبادلہ خیال تو
انہیں بھی حیرت ہوئی کہ ان کی "شاگرد" آج بھی 15 سال پہلے والی توانائی
میں اپنا ثانی نہیں رکھتیں اور انہیں فن پر مکمل عبور حاصل ہے۔ مادھوری شوز کے لیے
روزانہ 6 گھنٹے ریاض کرتی ہیں اور ان کے بیٹے آرن اور آرائین ان کے ساتھ ساتھ اس
ریاض مین شریک ہوتے ہیں۔
