نئی دہلی
(اردو ٹائمز) بالی وڈ میں کمزور ہندی کے باعث تنقید کا نشانہ بننے والی خوبصورت
اداکارہ کترینا کیف کے بارے میں کوئی سوچ بھی نہیں سکتا تھا کہ وہ صرف 24 سال کی
عمر میں کامیابی کی بلندیوں کو چھو لیں گی۔ ان دنوں کترینہ اور سلمان شادی کے
بندھن میں بندھنے والے ہیں۔ یہ بات واضھ طور پر کہی جا سکتی ہے کہ سلمان خان نے 16
جولائی کو کترینہ کیف کو ان کی 24 ویں سالگرہ کے موقع پر شادی کی پیشکش کی ہے۔
کترینہ کی سالگرہ کے موقع پر یہ ان کے لیے سب سے قیمتی تحفہ تھا۔ کترینہ آج کل
اپنی آنے والی فلم "سنگھ از کنگ" جس میں وہ اکشے کمار کے ساتھ جلوہ گر
ہوں گی کے لیے ویڈیو انٹرویوز دینے میں مصروف ہیں۔ کترینہ کیف نے 2003 میں ہندی فلموں سے اپنے فلمی کیرئیر کا
آغاز کیا۔ ابتدائی دور میں ان کی فلموں کو کوئی خاص پذیرائی نہ مل سکی مگر گزشتہ
سال فلم "نمستے لندن ، اپنے ، پارٹنر ، اور ویلکم میں شاندار اداکاری کر کے
انہوں نے اپنی فنی صلاحیتوں کا لوہا منوا لیا۔ پچھلے سال کی طرح اس سال بھی کترینہ
نے اپنی فنی کامیابی کا تسلسل برقرار
رکھا۔
