اردو ٹائمز(نیوز) مقامی عدالت نے بالی وڈ اداکارہ سوہا علی خان کی رائفل کا لائسنس منسوخ کردیا۔ اداکارہ سوہاعلی خان پر الزام ہے کہ ہے کہ انہوں نے اپنی رائفل کا غلط غیر قانونی استعمال کیا ہے۔ تفصیلات کے مطابق انہوں نے سیاہ ہرن کے مبینہ شکار کیلئے اپنے والد سابق کرکٹر نواب منصور علی خان پٹوڈی کو دیا تھا۔ ضلع مجسٹریٹ راکیش گپتا نے قانون اسلحہ کی دفعہ سترہ کے تحت سوہا علی خان کی رائفل کا لائسنس منسوخ کر دیا اور انہوں نے اس کیس کی مزید تحقیقات کا حکم دیا ہے۔ فیصلہ میں کہا گیا ہے کہ اداکارہ کو یہ حق حاصل ہے کہ وہ مذکورہ فیصلے کے خلاف تیس دن کے اندرڈیویڑنل کمشنر کی عدالت میں اپیل کر سکتی ہے۔ جھجر پولیس کو بھی اطلاع دے دی گئی ہے کہ سوہا علی خان کو رائفل واپس نہ کی جائے۔ مذکورہ رائفل جس کو مبینہ طور پر نواب پٹوڈی نے سیاہ ہرن کے شکار کیلئے استعمال کیا تھا اب جھجر پولیس تحویل میں ہے۔ ۔۔۔۔
