امریکی
سائنسدان جلد ہی ایک ایسی دوا مارکیٹ میں لانے والے ہیں جس کا استعمال جسمانی روزش
نہ کرنے والے افراد کو بھی ورزش کے کچھ فوائد سے بہرہ مند کر سکے گی۔ جرنل سیل کے
مطابق امریکی محقیقین کے پاس اس وقت دو ایسی ادویات یا فٹنس پلز ہیں جن کے استعمال
سے ممکنہ طور پر نہ صرف پٹھوں کی مضبوطی اور سٹیمنا میں اضافہ ہو سکتا ہے بلکہ یہ
گولی چربی جلانے میں بھی مددگار ثابت ہو سکتی ہے۔ ان گولیوں کے تجربات کے لیے
چوہوں کو استعمال کیا گیا اور تجربات کے دوران چوہوں کی دوڑنے کی استعداد میں 44
فیصد اضافہ ہوا اور انہی تجربات کی بنیاد پر کہا جا رہا ہے کہ کسی تربیت کے بغیر
انسان کے دوڑنے کی صلاحیت میں بھی اتنا اضافہ ممکن ہے۔
