پراگریس انرجی فلوریڈا 2009 کی ایندھن، نیوکلیئر اور ماحولیاتی قیمتوں کا تخمینہ

پراگریس انرجی فلوریڈا کی ایک رپورٹ کے مطابق ایندھن کی بڑھتی ہوئی قیمتوں ماحولیاتی آلودگی کو دور کرنے کے اخراجات اور کاربن سے آزاد نیوکلئیر پاور کی اضافی منصوبہ بندی اگلے سال بجلی کی قیمتوں میں اضافے کا سبب بنے گی۔ اگر حکومتی اداروں نے کمپنی کی طرف سے 2009 کےلیے ایندھن کی قیمتوں کے پیش کردہ شیڈول کو منظور کر لیا تو گھریلو بلوں میں موجودہ بلوں کی نسبت 30 فیصد اضافے کی توقع کی جا رہی ہے۔34٫27 ڈالر کے اس اضافے میں جو آئندہ سال جنوری سے شروع ہو رہا ہے 21٫12 ڈالر اضافہ 2009 کی ایندھن کی قیمتوں پر ہوگا جبکہ 11٫42 ڈالر کا اضافہ نیوکلئیر پلانٹ کی تعمیر پر ہوگا۔ اسی طرح 2٫50 ڈالر کا اضافہ ماحولیاتی منصوبوں کے حوالے سے سامنے آئے گا۔

پراگریس انرجی فلوریڈا کے صدر اور سی ای او جیف لیاش کا کہنا ہے کہ بجلی کی قیمتیں بڑھانے کا یہ کوئی مناسب وقت محسوس نہیں ہوتا اور ہمیں معلوم ہے کہ بجلی کی قیمتیں بڑھانا کیا معنی رکھتا ہے جب بہت سے لوگوں کو دو وقت کی روٹی کمانی مشکل ہو رہی ہو۔