امریکہ شمالی کوریا کو پانچ لاکھ میٹرک ٹن خوراک کی امداد دیگا

اردو ٹائمز(نیوز) امریکہ اور شمالی کوریا کے درمیان پانچ لاکھ میٹرک ٹن خوراک کی فراہمی کا معاہدہ طے پا گیا ہے۔ بش انتظامیہ کا کہنا ہے کہ اس خوراک کی امداد کا تعلق نیوکلیئر تخفیف اسلحہ سے نہیں بلکہ دونوں ممالک کے درمیان خوراک کی امداد کا یہ معاہدہ سفارتکاری کا ذریعہ ہے امریکی محکمہ خارجہ نے فوڈ ایگریمنٹ کا اعلان کئی ہفتوں کے مذاکرات کے بعد کیا اور یہ مذاکرات خوراک کی منصفانہ تقسیم کی یقین دہانی کیلئے کئی روز جاری رہے اور امریکہ چاہتا ہے کہ پیانگ یانگ حکومت خوراک کی منصفانہ تقسیم کرے۔