بھارتی بارڈر سکیورٹی فورس کو چوبیس ہزار اہلکاروں کمی کا سامنا

اردو ٹائمز (نیوز)بھارتی بارڈر سکیورٹی فورس بی ایس ایف کو چوبیس ہزار اہلکاروں کی کمی کا سامنا ہے۔ بھارتی خبررساں ادارے کے مطابق یہ بات بی ایس ایف کے ڈائریکٹر جنرل اے کے مترا نے یہاں بی ایس ایف دفاتر کے سنگ بنیاد کی تقریب کے موقع پر صحافیوں سے گفتگو کرتے ہوئے کہی۔ انہوں نے کہا کہ بی ایس ایف کو الیکشن ڈیوٹیوں کے باعث شدید بحران کا سامنا ہے۔ اور اس وقت فورس میں چوبیس ہزار اہلکاروں کی کمی ہے۔ چھٹے پے کمیشن رپورٹ کے حوالے سے انہوں نے کہا کہ یہ بی ایس ایف اہلکاروں کی ضروریات کو مکمل پورا نہیں کر سکتا اور کئی ایک شفارشات کی کمی ہے انہوں نے کہا کہ بی ایس ایف نے ہارڈشپ الاﺅنس کا مطالبہ کیا تھا جسے مسترد کردیا گیا ہے۔