سیکورٹی صورتحال : ضمنی انتخابات دو ماہ کے لیے ملتوی

اردو ٹائمز (نیوز) قومی الیکشن کمیشن نے قومی اور چاروں صوبائی اسمبلیوں کے لئے ضمنی انتخابات دو ماہ کے لیے ملتوی کر دئیے ہیں ۔ اب یہ الیکشن 18اگست کو ہوں گے۔ الیکشن کمیشن کے ترجمان کے مطابق کہ قومی اور صوبائی اسمبیلوں کی خالی نشستوں پر ضمنی انتخابات صوبہ سرحد میں امن و امان کی خراب صورت حال، مرکز اور صوبوں کی اسمبلیوں میں بجٹ اجلاسوں اور ملک کی مجموعی سکیورٹی صورت حال کی بنا پر ان کو ملتوی کیا جا رہا ہے۔ انہوں نے مزید کہا کہ یہ فیصلہ صوبہ سرحد کے سیکرٹری داخلہ کی جانب سے موصول رپورٹ کی روشنی کیا گیا ہے۔ اس رپورٹ میں انہوں نے امن عامہ کی صورتحال کو خراب قرار دیا ہے۔ اس لئے قومی مفاد میں یہ فیصلہ کیا گیا ہے کہ ضمنی الیکشن 18 اگست کو منعقد کرائے جائیں گے۔