لندن: لندن بم حملوں کو دس سال مکمل، اس موقع پر ہلاک ہونے والے 52 افراد کی یاد میں ملک بھر میں ایک منٹ کی خاموشی اختیار کی گئی۔ برطانوی وقت کے مطابق ٹھیک 11:30 منٹ پر ملک بھر میں ایک منٹ کی خاموشی اختیار کی گئی۔ بم حملوں کی دسیویں برسی کے موقع پر میں لندن کے سینٹ پال کیتھیڈرل میں ایک یادگاری تقریب منعقد کی گئی ۔ جس میں ہلاک ہونے والے افراد کے اہلخانہ اور حملے میں زخمی ہونے والے افراد نے شرکت کی۔ یاد رہے کہ ان حملوں میں القاعدہ سے منسلک چار خودکش بمبار ملوث تھے اور یہ برطانیہ کی تاریخ کا بدترین دہشت گرد حملہ تھا۔ سات جولائی 2005 کو آٹھ بج کے 50 منٹ پر لندن کے زیر زمین ٹرین سسٹم میں تین دھماکے ہوئے۔ ایک گھنٹے بعد لندن کی ایک دو منزلہ بس میں چوتھا دھماکہ ہو گیا۔ ان حملوں میں ہلاکتوں کی کل تعداد 52 تھی اور 700 سے زیادہ افراد زخمی ہوئے تھے۔ برطانوی وزیرِ اعظم ڈیوڈ کیمرون کا کہنا تھا کہ لندن حملوں کے ٹھیک دس سال بعد دہشت گردوں سے خطرہ اب بھی ایک حقیقت ہے اور گذشتہ ہفتے تیونس میں ہونے والے 30 برطانوی شہریوں کا قتل اس بات کی تلخ نشانی ہے۔ سابق وزیراعظم ٹونی بلیئر نے کہا کہ اسلامی شدت پسندوں سے خطرہ دس سال کے بعد کم نہیں بلکہ زیادہ ہوا ہے۔ لندن کے میئر بورس جونسن نے کہا کہ دہشت گرد اپنے مقصد میں نا کام ہو گئے ہیں کیونکہ لندن آج بھی دنیا کے کونے کونے سے لوگوں کو خوش آمدید کہتا ہے جو اس شہر کی سب سے بڑی خاصیت ہے۔ ایک منٹ کی خاموشی لندن کے ٹرین نیٹ ورک پر بھی اختیار کی گئی اور مقررہ وقت پر تمام ٹرینیں روک دی گئیں۔ ادھر سینٹ پال کیتھیڈرل میں ایک منٹ کی خاموشی کے اختتام پر عمارت کے گنبد سے پھولوں کی پتیاں گرائی گئیں اور چاروں حملوں کے لیے چار علامتی شعمیں روشن کی گئیں۔ گذشتہ برسوں کی طرح یہ برسی بھی ہلاک ہونے والوں کے لواحقین کے لیے تکلیف دہ ہے۔ اپنے بیٹے کو کھونے والی ایک ماں کا کہنا تھا کہ واقعے کے بعد انھیں ایسا لگا کہ 'دنیا سے ساری رنگینیاں ختم ہو گئی ہیں۔' متاثرہ خاندانوں کو سینٹ پال کیتھیڈرل میں تقریب کے بعد ہائیڈ پارک میں ایک نسبتاً کم پر تکلف تقریب پر بھی بلایا گیا ہے جہاں برطانوی شاہی خاندان کے افراد بھی موجود ہوں گے۔ یہ برسی ان لوگوں کے لیے تکلیف دہ یادیں لے کر آئے گی جن کے عزیز آج سے دس برس پہلے ان حملوں میں ہلاک ہوئے تھے تقریب سے پہلے میڈیا سے بات کرتے ہوئے میٹرو پولیٹن پولیس کے اسسٹنٹ کمشنر مارک راولی نے کہا کہ عراق میں دولتِ اسلامیہ کے عروج کے بعد برطانیہ کو اب شدت پسندوں سے ایک 'بہت مختلف قسم' کا خطرہ ہے۔ انھوں نے کہا: 'ہم نے گذشتہ کچھ برسوں میں دہشت گردوں کے عالمی نیٹ ورک کے انتظامی ڈھانچے میں کافی تبدیلیاں دیکھی ہیں۔' اگست 2014 میں برطانوی حساس اداروں نے ملک میں تھریٹ لیول یا دہشتگرد حملے کے خدشے کی سطح کو 'ٹھوس' سے بڑھا کر 'شدید' قرار دیا تھا۔

لندن: روزمرہ زندگی میں مرد و زن دونوں ہی غلط بیانی کرتے ہیں لیکن ان میں سے بہت ہی کم افراد اس بات کا اعتراف کرتے ہیں تاہم ایک سروے میں جھوٹ بولنے سے متعلق خواتین مردوں سے آگے پائی گئی ہیں۔ برطانیہ میں کیے گئے سروے... تفصیل

    لندن: برطانوی حکومت نے ملکی تاریخ میں پہلی بار پولیس کی وردیوں میں کیمرے نصب کرنے کا فیصلہ کیا ہے۔ ابتدائی طور پر یہ تجربہ لندن کی پولیس کے 20 ہزار اہلکاروں کی وردیوں میں کیمرے نصب کرنے سے کیا... تفصیل

لندن: برطانوی نشریاتی ادارے کی خاتون صحافی نے ملکہ برطانیہ کی موت کا غلط ٹوئٹ کردیا، جس کی بعد میں ادارے کو معافی مانگنا پڑی۔ تفصیلات کے مطابق برطانوی نشریاتی ادارے میں کام کرنے والی خاتون صحافی ایمن خواجہ کے ملکہ... تفصیل

لندن: برطانوی وزیر اعظم نے کہا ہے کہ ان کو یورپی یونین میں اپنے ملک کی رکنیت سے متعلق ریفرینڈم کے انعقاد کی کوئی جلدی نہیں ہے۔ ڈیوڈ کیمرون کے مطابق ان کو یورپی یونین میں اپنے ملک کی رکنیت برقرار رکھنے یا ختم کرنے... تفصیل

لندن: سابق لبرل ڈیموکریٹ لیڈر چارلس کینیڈی 55 سال کی عمر میں انتقال کر گئے۔ کینیڈی گزشتہ ماہ ہونے والے انتخابات میں ہار گئے تھے۔ کینیڈی کے خاندان کی جانب سے جاری بیان میں کہا گیا ہے کہ چارلس کینیڈی فورٹ ولیم میں... تفصیل

لندن: والدین کے دن رات کام میں مصروف رہنے سے بچے تنگ آگئے، برطانیہ میں ہونے والے ایک سروے میں بتایا گیا ہے کہ بچوں نے والدین کی آفس میں بڑھتی ہوئی مصروفیت کو دیکھتے ہوئے ان پر دباو ڈالنا شروع کیا ہے کہ وہ زیادہ وقت... تفصیل

لندن: اپنے ہی وزراء کی بات ماننے سے انکار، برطانوی وزیر اعظم ڈیوڈ کیمرون نے یورپی کمیشن کا اجلاس چھوڑ کر نہیں آئے۔ رپورٹ کے مطابق برطانوی وزیر انصاف مائیکل گوو اور برطانوی وزیر داخلہ تھریسا مے نے برطانوی وزیراعظم... تفصیل

لندن: برطانیہ کی وزیر تعلیم نکی مورگن نے بچوں کو کار چلا کر سکول لے جانے والی خواتین پر یہودی تعلیمی ادارے کی جانب سے عائد پابندی کو ناقابل قبول قرار دیا ہے۔ یہ سکول شمالی لندن میں واقع ہے اور اس کا تعلق یہودیوں کے... تفصیل

لندن: امریکی محکمہ انصاف کی جانب سے فیفا کیخلاف کرپشن انکوائری میں برطانیہ کے دو بڑے بینکس کا نام بھی سامنے آگیا۔ برطانوی پولیس نے اس انکشاف کے بعد امریکی ایف بی آئی سے رابطہ کیا ہے اور اس معاملے میں باقاعدہ... تفصیل

لندن: دنیا کی بہترین یونیورسٹی میں چوتھے نمبر پر موجود آکسفورڈ یونیورسٹی کی تاریخ میں پہلی بار کسی خاتون وائس چانسلر کا انتخاب عمل میں آیا ہے۔ آئرلینڈ سے تعلق رکھنے والی پروفیسر لوئس رچرڈسن نے پولیٹیکل سائنس میں پی... تفصیل

Pages




Terms of Service | Privacy Guidelines | Advertise with us | About Us | Contact Us | Help | Mobile

Copyrights © 2015 Urdutimes.com