پاکستان تحریک انصاف کینیڈا کے رہنما ذوالفقار چوہدری نے کہا ہے کہ یہاں کینیڈا میں لاکھوں پاکستانی اور جنوبی ایشیاء سے وابستہ لوگ مقیم ہیں ہمیں ایسی حکومت کو ووٹ دے کر پرموٹ کرنا چاہیے جو امیگریشن کے قوانین میں نرمی کرے چونکہ جنوبی ایشیاء ایک غریب ملک ہے اور امیگریشن کے قوانین جب نرم ہوں گے تو بڑی تعداد میں لوگ یہاں آکر نہ صرف سیٹل ہوں گے بلکہ اقتصادی اور معاشی لحاظ سے بھی مستحکم ہوں گے ووٹ دیتے وقت اپنے ضمیر کے مطابق فیصلہ کریں ۔ انہوں نے کہا کہ ہم کینیڈا میں رہتے ہوئے بھی استحکام پاکستان کیلئے کوششیں جاری رکھے ہوئے ہیں۔