فیفا کے صدر سیپ بلاٹر نے مصری فٹبال ایسوسی ایشن کے صدر سامر ظاہر کو ایک خط لکھا ہے جس میں ان سے کہا گیا ہے کہ وہ پورٹ سیعد میں فٹبال میچ کے دوران ہونے والے ہنگامے کی مکمل اور غیر جانبدارانہ رپورٹ تیار کریں۔ تا کہ ان وجوہات کا پتہ چل سکے جو اس پر تشدد ہنگامے کا باعث بنیں جس میں ستر سے زیادہ افراد ہلاک ہوئے۔ بلاٹر کا کہنا تھا کہ یہ فٹبال کھیل کیلیے ایک سیاہ ترین  دن ہے اور ہمیں ایسے واقعات روکنے کیلیے سخت اقدامات کرنے ہونگے۔ ادھر پورٹ سیعد کے گورنر نے استعفی دے دیا ہے جبکہ فٹبال کے مقامی عہدیداروں کو معطل کر دیا گیا ہے۔