لندن:شام سفارتخانے میں گھسنے والے 5 افراد گرفتار
Sat, 02/04/2012 - 20:27 — farooq
لندن :لندن میں شام کی ایمبیسی میں احتجاج کے بعد گھسنے والے پانچ افراد کو گرفتار کر لیا گیا ہے۔ تقریباً 150 مظاہرین بل گریو سکوائر میں واقع سفارت خانے کی عمارت کے باہر جمع ہوئے۔ سکاٹ لینڈ یارڈ کے ترجمان نے بتایا کہ رات دو بجے کے قریب احتجاج کے بعد نقص امن کے تحت گرفتاریاں کی گئی ہیں۔ ترجمان نے بتایا کہ اس موقع پر مناسب حفاظتی اقدامات کئے گئے تھے۔ یہ مظاہرہ شام کے مرکزی شہر حمص میں خواتین اور بچوں سمیت دو سو سترہ شام کی سکیورٹی فورسز کے ہاتھوں قتل عام کے بعد کیا گیا۔
Post new comment