ممبئی: بالی ووڈ کے نوجوان  ہیرو رنبیر کپور کا ممبئی کے بیچ کینڈی ہسپتال میں گلٹی نکالنے کے لیے آپریشن کیا گیا۔ بالی ووڈ کے فلمی مرکز ممبئی کے سب سے مہنگے ہسپتال میں مقامی ڈاکٹر نے رنبیر کپور کی کمر سے گلٹی نکالی۔ رنبیر کپور کے قریبی دوست نے اس آپریشن کی تصدیق کرتے ہوئے بتایا کہ یہ معمولی نوعیت کا آپریشن تھا۔ مقامی اخبار ممبئی مرر کے مطابق اداکار کو سرجری کے فوری بعد ہسپتال سے ڈسچارج کر دیا گیا۔ رنبیر کا آپریشن کرنے والے ڈاکٹر نے انھیں اپنی شوٹنگ مکمل کرانے کی اجازت دے دی ہے۔ دوسری طرف بیچ کینڈی ہسپتال کی انتظامیہ نے رنبیر کے ہسپتال میں علاج کروانے کی تصدیق کی ہے۔