گوہاٹی: بھارتی ریاست آسام میں ایک مسافر ٹرین اور بلڈوزر کے مابین ٹکر سے تین افراد ہلاک سولہ افراد زخمی ہوگئے۔ بھارتی میڈیا نے ریلوے حکام کے حوالے سے کہا ہے کہ آسام کے ریاستی دارالحکومت گوہاٹی میں ایک مسافر ٹرین پٹری پر موجود ایک بھاری بھر کم بلڈوزر سے اس وقت ٹکرا گئی جب ایک ریلوے کراسنگ پر بلڈوزر پٹری عبور کرتے ہوئے پھنس گیا تھا بلڈوزر سے ٹکرانے کے باعث ٹرین کی بوگیاں پٹری سے اتر گئیں جس کے نتیجے میں تین افراد ہلاک اور سولہ دیگر زخمی ہوگئے مقامی لوگوں نے بوگیوں میں پھنسے لوگوں کو باہر نکالا اور زخمی افراد کو گوہاٹی ہسپتال منتقل کردیا۔