برسلز : یورپی یونین ایران کے ٹیلی کام سیکٹر کیخلاف نئی پابندیاں عائد کرنے کی منصوبہ بندی کر رہی ہے۔ غیر ملکی خبررساں ادارے کے مطابق یورپی یونین کے ایک اعلیٰ سفارتکار نے نام نہ ظاہر کرنے کی شرط پر بتایا کہ یورپی یونین بلاک نے ایران کے ٹیلی کام سیکٹر کیخلاف نئی پابندیاں عائد کرنے پر اتفاق کیا ہے ۔ انہوں نے کہا کہ نئے منصوبے کے تحت ایران کے ساتھ ایسے  ٹیلی کمیونیکیشن سازو سامان کی خریدو فروخت پر پابندی عائد کی جائیگی جو ایران جاسوسی کے لیے استعمال کر سکتا ہے سفارتکار نے مزید کہا کہ اس حوالے سے بلاک کے درمیان ابھی حتمی معاہدہ طے پانا ہے جو کہ آئندہ چند ہفتوں میں طے پا جائیگا ۔